Камада күңелсез хәл

Чаллыдан 80 км ераклыкта, Кама (Чулман) елгасының Алнаши бистәсе янындагы урынында, гадәттән тыш хәл була. Биредә ярдан 200 метр ераклыкта балык тоткан 52 яшьлек ир-ат боз астына китә. Вакыйга урынына тиз арада коткаручылар килә һәм балыкчыны бау ярдәмендә судан тартып чыгара. Бәхеткә аңа табиблар ярдәме кирәк булмый. Ир-ат исән кала. 

Татарстан Республика буенча, Россия ГТХМ баш идәрәсе балыкчыларны кат-кат кисәтә! “Юка боз өстенә чыгу үлем куркынычы белән яный”, - ди алар. 
Кисәтүләргә колак салмаучыларга штраф яный. Боз калынлыгы 7 сантиметрга җитмәгән очракта, физик затларга 1,5-2 мең сум, җаваплы җитәкчеләргә 5-7 мең сум, юридик затлар 50-70 мең сум штраф каралган. 

Моңа кадәр Чаллы мэры Наил Мәһдиев кисәтүләргә колак салмаучы балыкчыларны административ җаваплылыкка тартырга чакырган иде. Бу хакта БИРЕДӘ язган идек.

фото: https://www.tatar-inform.ru