"КАМАЗ" чүп ташу машиналары җитештерә башлады

Чаллы автогиганты  Мәскәүнең «АВТОБАУ» компаниясе белән берлектә өр яңа КАМАЗ-Компас 43089-F5 шассиенда ясалган тәүге чүп ташу машинасын тәкъдим итте. Авырлыгы 9,5 тоннаны тәшкил иткән әлеге транспорт чарасы 154 ат көченә ия. “Аңа урнаштырылган чүп төяү җайланмасы белән кабина эченнән дә, урамнан пульт ярдәмендә дә идарә итәргә була”, - ди белгечләр. Әлеге коммуналь техника бер үк вакытта шәһәр һәм шәһәр яны җирлегенә хезмәт күрсәтү өчен җайлашкан. 
Фото: https://kamaz.ru/