КАМАЗ халыкара форумда катнаша

КАМАЗ "Машина төзелеше технологияләре-2014" халыкара форумында катнаша.

Ул Жуковский шәһәренең (Мәскәү өлкәсе) "Россия" күргәзмәләр комплексында уза. Быел КАМАЗ алты автотехника моделе тәкъдим итә. Биредә беренче тапкыр "КАМАЗ-5490" автомобилен дә күрү мөмкин булачак. Форум милли-икътисадый приоритетларны тормышка ашыруда машина төзелешенең әһәмиятен күрсәтү максаты белән оештырыла. Анда илнең югары дәрәҗәдәге җитәкчеләре, федераль ведомство башлыклары, Россия, чит илләрнең алдынгы фәнни һәм җитештерү өлкәсе предприятиеләре вәкилләре катнаша.