Казанда троллейбус – халык арасында популяр транспорт

2025 елның 10 аенда Казан троллейбусларында 21 миллионнан артык кеше йөргән. Бу узган елның шул чоры белән чагыштырганда 4% ка күбрәк. Бу хакта «Метроэлектротранс» МУП на сылтама белән Казан мэриясенең матбугат хезмәте хәбәр итте.

10 ай эчендә трамвайлар 13 млн пассажир ташыган. Бу 2024 ел дәрәҗәсеннән 0,4% ка түбәнрәк.

Бүгенге көндә предприятие карамагында 107 вагонлы бер трамвай депосын һәм 185 транспорт берәмлеге булган ике троллейбус паркы бар. Казанда 240,5 км булган 9 трамвай маршруты һәм  267,9 км 11 троллейбус маршруты эшли.
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).