Казанда узган көрәш турниры тәмам! Чаллы - 4нче урында

14-15 февраль көннәрендә Казанның «Ак барс» көрәш сараенда «Ватаным Татарстан» газетасы гамәлгә куйган Муса Җәлил истәлегенә багышланган көрәш турниры узды. 62нче тапкыр үткәрелүче ярышта 40тан артык команда һәм 350дән артык көрәшче бил алышты.

Шәхси беренчелектә җиңгән көрәшчеләргә чигелгән сөлге, медаль һәм акчалата приз бирелде. Беренче урынга – 100 мең, икенче урын – 70, өченче урын алучы көрәшчеләргә 50 мең күләмендә бүләк тапшырылды.

Командалар беренчелегендә 1 урынга Казанның «Зилант» командасы лаек булды. 2нче урында - Лаеш, 3нче урында - Әлмәт командалары. Чаллы командасы исә 4нче урында калды. 

Шәхси беренчелектә урыннар түбәндәгечә: 

60 кг үлчәү авырлыгы:

1 урын – Ильяс Йосыпов ( Зилант)
2 урын – Ришат Исхаков (Чаллы)
3 урын – Илфат Миңнегалиев (Лаеш)
3 урын – Рубин Рәджәбов (Әлмәт)

70 кг үлчәү авырлыгы:

1 урын – Ислам Фәлахов (Алабуга)
2 урын – Адел Мусин (Казан)
3 урын – Искәндәр Муртазин (Чаллы)
3 урын – Марсель Сөләйманов (Теләче) 

75 кг үлчәү авырлыгы:

1 урын – Рафаэль Бильданов (Әлмәт)
2 урын – Ильназ Рамазанов (Чаллы)
3 урын – Рамил Синякаев (Казан) 
3 урын – Булат Гаделшин (Чистай) 

90 кг үлчәү авырлыгы:

1 урын – Азат Габдрәшитов( Чаллы)
2 урын – Рөстәм Салахов (Чаллы)
3 урын – Илнур Сафин (Балык Бистәсе) 
3 урын – Айрат Сәмигуллин (Әлмәт)

130 кг үлчәү авылыгы:

1 урын – Радик Сәлахов ( Зәй)
2 урын – Турал Азимов (Чистай)
3 урын – Лениз Абдуллин (Зилант)
3 урын – Айрат Фәтхуллин (Казан)

Башка үлчәү категорияләрендә, кызганыч, Чаллы командасы көрәшчеләре өстен чыга алмады.