Кемнәргә пенсия билгеләнмәскә мөмкин?

Икътисадчы Людмила Иванова-Швец картлык буенча пенсия билгеләнмәү ихтималы бар диде. Аның сүзләренә караганда, эш стажы 15 елдан кимрәк яки пенсия коэффициенты 28,2 дән түбәрәк булган кешеләргә пенсия билгеләнмәскә мөмкин.

– Хатын-кызлар 58 яшькә, ир-атлар 63 яшькә җиткәч, аларга дәүләт тарафыннан пенсия түләнәчәк дигән гарантия юк. Моның өчен тагын ике мәҗбүри критерий бар – бу кирәкле стаж һәм билгеле бер күләмдә пенсия коэффициенты булу, – дип хәбәр итте икътисадчы. Аның сүзләреннән аңлашылганча, кайбер өлкән яшьтәге кешеләрнең 90 нчы еллардагы эш стажы исәпкә алынмаска мөмкин. Шуңа күрә пенсия алды яшендәге кешеләргә үзләре турындагы мәгълүматны алдан ук социаль фондта тикшерергә кирәк.