Кемнәрнең пенсиясе арта?

Агымдагы елның 1 апреленнән социаль пенсияләр 14,75 процентка индексацияләнер дип көтелә. Россия хезмәт һәм социаль яклау министры Антон Котяков әйтүенчә, моның өчен федераль бюджеттан 85 миллион сум акча бүлеп бирелә.  

«Социаль пенсияләр ел саен 1 апрельдән индексацияләнә. 2025 елда ул 14,75% тәшкил итәчәк. Дәүләт пенсияләре һәм социаль пенсияләрнең артуы 4,2 миллион кешегә керемен арттыру мөмкинлеге бирә», – ди ул. 

Шулай итеп, 1 апрельдән 3,5 миллион чамасы социаль пенсия алучының  һәм  700 меңгә якын дәүләт пенсиясе алучының (болар – Бөек Ватан сугышында катнашучылар, «Камалыштагы Ленинградта яшәүчегә», «Камалыштагы Севастопольдә яшәүчегә», «Камалыштагы Сталинградта яшәүчегә» билгеләре белән бүләкләнүчеләр, радиация яки техноген һәлакәтләр аркасында зыян күрүчеләр һ.б) пенсиясе артачак.