Хезмәтләре белән хөрмәтле

Лаеклыларга дәүләт бүләкләрен шәһәр мэры Наил Мәһдиев һәм РФ Дәүләт Думасы депутаты Әлфия Когогина тапшырды. 
Шәһәр мэры Наил Мәһдиев төзүчеләрхезмәтенең әһәмиятен ассызыклап: “Бу еллар эчендә күпмилләтле Татарстанда меңләгән объект төзелде. Төзүчләрнең тырыш хезмәте нәтиҗәсендә республика Россиянең икътисади яктан иң нык, динамик үсештәге төбәкләренең берсенә әйләнде”, - диде. 
РФ Дәүләт Думасы депутаты Әлфия Когогина “Евростиль” ҖЧҖ хезмәткәре Айрат Җиһаншин белән “Каммонтажстрой” ҖЧҖ электргаз белән эретеп ябыштыручысы Эмир Юлдашевка Дума депутатының Рәхмәт хатын тапшырды. 
Кама инженер-төзелеш тресты генераль директоры Гимран Әхмәтҗановка, “СтройТраст” ҖЧҖ баш инженеры Юрий Джиоевка, “Профит” компанияләре төркеме генераль директоры Марсель Мингалимовка  - Татарстан республикасының “Фидакарь хезмәте өчен” медале; “Аква-Регион” генераль директоры Евгений Вайнерга, “Домкор Индустрия”компаниясе әйдәп баручы инженеры Татьяна Сазоновага һәм “Строй-Технология” компаниясе генераль директоры урынбасары Владимир Худяковка “Татарстанның атказанган төзүчесе” дигән мактаулы исем бирелде. “Домкор Строй”ның участок башлыгы  Айрат Кулеевка , Кама инженер-төзелеш тресты баш хисапчысы Рамил Исламовка -  ТР Президенты рәхмәте, “Домкор Проект” ның баш инженеры Резида Джафаровага ТР Министрлар кабинетының Рәхмәте тапшырылды, берничә хезмәткәрТР төзелеш, архитектура һәм торак-коммуналь хуҗалык министрлыгы һәм Мэрның Мактау грамотасы, рәхмәт хатлары белән бүләкләнде.