Май ае өчен пенсия иртәрәк бирелә

Россия Социаль фонды мәгълүматларына караганда, банк аша акча алучы пенсионерларның бер өлешенә май өчен  пенсия  30 апрельгә кадәр үк күчереләчәк.
Бу, гадәттә, пенсиясе ай башында: 1-4енә кадәр килә торган кешеләргә кагыла.
Акчалар автомат рәвештә киләчәк. Моңа өстәп пенсия белән бергә башка социаль түләүләр дә шул ук вакытта күчерелә.
Бу үзгәреш пенсиянең барлык төрләренә дә кагыла. 
Пенсияне почта аша алучылар өчен график үзгәрми. Алар акчаларын элеккечә алачак: хат ташучылар түләүләрне 2–3 майдан тарата башлый, ә почта бүлекчәләрендә акчаны 25 майга кадәр алырга мөмкин.
5 майдан соң банк аша түләүләр яңадан гадәти тәртипкә кайтачак.
Татарстанда «Яшәү өчен инфраструктура» илкүләм проекты гамәлгә ашырыла.