«Мастеровые»да беренче премьера кайчан була?

«Мастеровые» рус драма театры яңа иҗат сезонын 7 октябрьдә Евгений Шварц әсәре буенча куелган «Обыкновенное чудо» спектакле белән башлап җибәрә. «Аны театрның баш режиссеры Андрей Шляпин сәхнәләштерә. Икенче премьера –  Агата Кристи романы буенча куелган детектив «Убийство в Восточном экспрессе». Аны режиссер Дмитрий Гомзяков әзерли. Санкт-Петербург режиссеры Илья Архипов балалар өчен «Алиса в Зазеркалье» куя. Ул – репертуарыбызда уңыш белән бара торган «Пигмалион. Шоу» режиссеры. Моннан тыш, 3 яшькә кадәрге балалар өчен яңа ел спектакле булачак. Яңа сезонда тамашачыларыбызга барлыгы 7 премьера тәкъдим итәргә планлатырабыз», – ди директор урынбасары Наталия Матиос.