Бу ялларда Минзәлә районында “Авыл җыеннары” үтә. Әлеге бәйрәм Сабантуй кебек күңелле итеп уздырыла.
Әйтик, 4 июнь көнне Әтрәкле авылында үткәрелгән бәйрәмгә Татарстанның атказанган артисты Илсөя Бәдретдинованың килүе көтелә. Монда бәйрәм 14 сәгатьтә башлана.
Бәйрәм программасында – кыр алдынгыларын зурлау, моннан тыш төрле милли уеннар оештыру да планлаштырылган.
Сәүдә нокталарында сату да оештырылачак. Ат чабышлары исә – бәйрәм кульминациясенә туры килә. Кичкә таба исә салют та булачак.
Моннан тыш Минзәлә районы Тупач авылында да “Авыл җыены” оештырыла. 5 июньдә сәгать 10да монда чишмә ачылу тантанасы үтә. Сәгать 11дә төп бәйрәмгә старт бирелә. Чакырылган кунак – Татарстанның халык артисты Гүзәл Уразова.
Минзәлә районында “Авыл җыеннарын” үткәрү графигы монда.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев