Мошенниклар пенсионерларны алдамакчы

Соңгы вакытта бик күп кешеләргә «барлык пенсионерларга пенсияләрен цифрлы акчага әйләндермәсеннәр өчен тиз арада социаль яклау бүлегенә барып гариза язарга кирәк» дигән хатлар килгән. Бу – ялган. 
Россиянең социаль фонды пенсияләрне цифрлы акчага күчерми, «баш тарткан» очракта бернинди гариза язарга кирәкми. РФ социаль фондының клиентлар белән эшләү хезмәтендә ул хатларда әйтелгән гариза формасы гомумән юк. 
Мондый хәбәрләр җәмгыятьтә киеренкелек тудыра, мошенниклар моны шәхси мәгъләмәтләрне белү яки башка финанс схемасына кертү өчен куллана. Белгечләр тикшерелмәгән, расланмаган белдерүләргә игътибар итмәскә киңәш итә. Аеруча хатта «тиз арада», «кул куярга», «билгеле бер датага кадәр өлгерергә кирәк», «барлык танышларыгызга таратыгыз» дигән сүзләр булса бигрәк тә.
Пенсияләрне гадәти режимда түләү дәвам итә, моның өчен гражданнарга бернинди гамәлләр башкару кирәкми. 
Өстәмә мәгълүмәт һәм белешмәләр алу өчен 8 800 100 0001  номеры буенча социаль фондның бердәм контакт үзәгенә мөрәҗәгать итәргә мөмкин. Шалтырату бушлай.