Ну, табигать бирә кирәкне!

Бүген Чаллыда көн дәвамында карлы яңгыр явачак, температура 0, +1 градус тирәсе. Кичә төнлә +3 градус булып яңгыр яуды, бөтен җирдә күлләвек, бозлавык сак йөрегез.

Кичкә температура төшәчәк -2 градус булыр, дип көтелә. Әммә иртәгә синоптиклар көндез-14, -15 градус, төнлә -19, -20 градус салкынлык була, дип кисәтәләр. Димәк бүген яуган карлы яңгыр бозлавыкка әвереләчәк. Шуңа бөтен саклык чараларын күрегез, шәхси машина хуҗалары иртәгә үз "тимер атларыгыз"да юлга чыкмасагыз да була.Сакланганны Аллаһ саклар диләр!

Бу көннәрдә магнит давыллары бер көчәеп бер кимеп тора, йөрәк һәм кан тамырлары, югары басым белән интегүчеләр даруларыгызны кесәгездә йөртегез!