Нурлатта 2 яшьлек сабыйның коега төшеп үлүендә кем гаепле?

Исегезгә төшерәбез, июнь башында Нурлатта фаҗига булды. 2 яшьлек сабый коега төшеп үлде. Аны әти-әниләре әби-белән бабасына калдырып киткән була. Бермәлне бала юкка чыга. Эзләмәгән җир калмый. Төнге 12ләр тирәсендә генә өй яны коесында мәетенә тап булалар. Бу хакта монда язган идек. 

ТР Тикшерү комитеты белгечләре тикшерү үткәрде. Гаепле итеп сабыйның 59 яшьлек бабае табылды. Ул "саксызлык аркасында үлемгә китерү" маддәсе буенча хөкем ителәчәк. Җинаять эше судка җибәрелде.