«Пятачок»ны республикада беләләр

Быелгы җәйдә республика шәһәр-районнарында күнел ачу чаралары оешыруга җитди игьтибар бирелә. Халык җәйнең  рәхәтен  белсен, кәефләре күтәренке булсын өчен. 

Чаллыда җәйге чараларның ничек узуы турында «Шәһри  Чаллы» газетасы баш редакторы Резидә Юсупова ТНВ каналында чыга торган «Таяну ноктасы» программасында сөйләде. 

Телевидение журналистларын «Шәһри Чаллыдан Пятачок» проектының республикакүләм «Күрше» проектында җиңүе кызыксындырды. Ни өчен ул Чаллыда көчле хәрәкәткә әйләнде? 

Тапшыру эфирга киләсе атнада чыга.