Рамил Хәлимов: «5 апам бар. 5се дә укытучылар»

Чаллыда узган август киңәшмәсендә күпләр җитәкче Рамил Хәлимовны яңа яктан ачты. Дөресрәге, династиясе турында белде. Нәселендә күбесе укытучылар икән. Гаиләнең гомуми педагогик стажы – 550 ел. Әлеге факт шәһәр мэры Наил Мәһдиев һәм ТР мәгариф һәм фән министры Илсур Һадиуллинда да кызыксыну уятты. Рамил Хәлимов династиясе турында үзе сөйләде. 

-    Бабам Бөек Ватан сугышында катнашкан. 8 баласының 7-се укытучылар, берсе – табиб. 22 оныгының 11-е - укытучылар. Үземнең 5 апам бар. 5се дә укытучылар, - ди ул.

Рамил Хәлимов белеме буенча тарих укытучысы. Күп еллар ул Чаллының мәгариф өлкәсендә хезмәт куйды. Аның тормыш иптәше Рушания Хәлимова - биология укытучысы. Кызы белән улы да мәгариф өлкәсендә эшлиләр. 

Чаллы мэры Наил Мәһдиев Рамил Хәлимовка династиясенең гомуми педагогик стажын 1 мең елга тутырырга кирәк, дип шаяртты.