Ранис Гыйләҗетдинов - Сабантуй абсолют батыры

Быел Чаллы Сабан туеның абсолют батыры - 28 яшьлек Ранис Гыйләҗетдинов. Ул финалда Актаныш егете Азат Габдерәшитов белән бил алышты.

Көрәш кызу барды. Җанатарлар тын да алмыйча күзәтте. Төп приз - "Лада Веста" автомобиле бит! Нәтиҗәдә Ранис яхшы алымнар кулланып, күбрәк баллар җыйдыр һәм көндәшен җиңде.

"Әти-әниемнең, сөйгәнемнең миңа ышанычы, теләп торулары ярдәм итте", - ди ул үзе.

Искәртергә кирәк, Ранис 2019 һәм 2022 елларда да абсолют батыр исеменә лаек булды. Узган ел ул, сәламәтлеге белән проблемалар булу сәбәпле, җиңүгә ирешә алмады. Абсолют батыр исемен Эльдар Хәмитов алды.