Самолетка биометрия буенча утырталар

2026 елның беренче яртыеллыгы ахырына кадәр россиялеләргә Шереметьево һәм Пулково аэропортларында самолетларга биометрия буенча утырырга рөхсәт итәчәкләр.
Бу хакта РФ вице-премьеры – Хөкүмәт Аппараты җитәкчесе Дмитрий Григоренко аппаратында хәбәр иттеләр. 
2026-2027 елларда сервис эксперименталь режимда эшләячәк, башта сынау Мәскәү һәм Санкт-Петербург арасында «Аэрофлот» компаниясе рейсларында башкарылачак.
«Экспериментка инфраструктуралары техник яктан әзер булган башка аэропортлар һәм авиаташучылар да кушыла алачак», – дип ачыклык керттеләр.