Татарстанда юл һәлакәтләрендә 227 бала зыян күрде
Бу хакта Татарстан Министрлар Кабинетында узган брифингта республиканың сәламәтлек саклау министры Альмир Абашев хәбәр итте.
«Бу елның алты аенда балалар катнашында 206 юл һәлакәте теркәлгән, аларда 6 бала һәлак булган, 227се зыян күргән, – диде ул. – Балалар машина йөртүчеләр тарафыннан юлда йөрү кагыйдәләрен үтәмәү аркасында бәлагә юлыга. Автомобильгә тиешле саннан да күбрәк кеше утыра, саклык каешын эләктермичә йөриләр».
Министр әйтүенчә, юл-транспорт һәлакәтендә балалар баш сөяге-ми җәрәхәтләре, сыну һәм имгәнүләр, аннан да аянычлырагы – тормыш белән ярашмый торган җәрәхәтләр ала. Бу елның алты аенда юл һәлакәтләрендә зыян күргән балаларның 189 ы хастаханәгә озатылган, 89 балага амбулатор ярдәм күрсәткәннәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев