Татарстанда кар, яшенле яңгырлар көтелә

Җылыту турында әлегә сүз дә юк. Синоптиклар алдагы көннәрдә дә карлы яңгыр фаразлый. 7 май көнне һава температурасы төнлә 0.. -2 булачак. Көндез +6..+11 градус. 

8 май бераз җылыта. Төнлә + 8 градуска кадәр күтәрелә. Көндез +7.. +12. Республиканың көнчыгыш районнарында хәтта +20 градуска кадәр җылытачак. Әмма көчле җил исәчәк.

9 май, Җиңү бәйрәме көнне, аеруча салкын булачак, ди гирометеорология үзәге белгечләре. Көндез +4..+9 булса, төнгә тагын катырачак. Температура –3 градусны күрсәтә. Карлы яңгыр көтелә.