Татарстанда уртача хезмәт хакы арта

Россиянең хезмәт һәм социаль яклау министры Максим Топилин фаразлавынча, быел халыкның хезмәт хакы артырга тиеш. «2016 ел нәтиҗәләре буенча, чынлыкта да хезмәт хакы күтәрелер дип уйлыйбыз. Эшсезлек дәрәҗәсе дә артмас дип көтелә», - дигән ул «Российская газета»га биргән әңгәмәсендә. Бюджет өлкәсендәгеләрнең хезмәт хакы артуга Президентның указлары да тәэсир итми калмас, дип саный министр. Татарстанда исә былтырның беренче ярты еллыгында уртача хезмәт хакы 29,7 мең сум тәшкил иткән. shahrikazan.ru