Татарстанның студент отрядлары призлы урын алды

Казанда Бөтенроссия студент авыл хуҗалыгы отрядларының слеты узды. Анда Россиянең 35 төбәгеннән 170 отряд катнашты. 

«Студент отрядларын агрообъектлар эшенә җәлеп итү – илебез азык-төлек куркынычсызлыгын тәэмин итүгә һәм кадрлар потенциалы үсешенә зур өлеш кертү дигән сүз, – диде Республика студент отрядлары үзәге директоры Василий Ислаев. – Быел гына 18 меңнән артык студент авыл хуҗалыгында эшләде. Аларның 5 меңнән артыгы 40 мөһим һөнәрләр буенча бушлай белем алды. Бу авыл хуҗалыгы ихтыяҗларын капларга гына түгел, кадрлар резервын формалыштырырга да ярдәм итә».

Агросәнәгать комплексы белем бирү учреждениеләре һәм балыкчылык Ассоциациясе генераль директоры Виктор Бердышев студент отрядларын кырларда, фермаларда һәм авыл хуҗалыгынң башка объектларындагы хезмәтләре өчен рәхмәт белдерде.