31 май, иртәнге сәгатьтә, “Түбән Кама Нефтихим” акционерлык җәмгыяте янында – Собоколевская трассасында куркыныч юл-транспорт һәлакәте теркәлде, дип яза НТР-24 телеканалы.
Биредә "Рено Флюид", "Мазда" һәм "Нива" машиналары бәрелешкән. Әлегә бер кешенең үлүе турында билгеле.
Юл-транспорт һәлакәтенең шаһитлары социаль челтәрләрдә фотолар белән уртаклаша башлаган. Алардан күренгәнчә, бер машинаның двигателе чыгып очкан.
Хәзерге вакытта урында коткаручылар, полиция һәм медицина хезмәткәрләре эшли.
Нет комментариев