«Кулыма тоткан идем, хәзер үзен гел күрәсе килеп кенә тора», – диде Миләүшә ханым.
Аяз Гыйләҗев исемендәге Чаллы татар дәүләт драма театры артисты Миләүшә Имамова шатлыгы белән уртаклашты. Аның улы Азат белән килене Алинә әти-әниләренә әби булу шатлыгы бүләк иткәннәр. Имамовларның уллары туган.
«Якты, көләч йөзле булып үссен дип, Аяз исеме куштык. Әби булу – әйтеп бетерә алмаслык ләззәтле вакыйга икән. Оныгымны бала тудыру йортыннан чыгардылар инде. Кулыма тоткан идем, хәзер үзен гел күрәсе килеп кенә тора», – диде Миләүшә ханым.
Аяз сәламәт булып, Имамовлар нәселенең лаеклы дәвамчысы булып үссен.
Фото Миләүшә Имамованың социаль челтәреннән алынды
Нет комментариев