ТНВ 2018 елдан соң да республикада аналоглы ысул белән тапшырулар алып барачак

ТНВ 2018 елдан соң да, аналоглы телевидение федераль программаларны туктатканда да, республикада шул ысул белән тапшыруларны саклаячак.

"Безнең ТНВның үз ешлык каналы бар, ТНВ башка телекомпанияләр кебек үк, үз режимында эшли ала - бу - аның хокукы, алар туктатыла яки туктатылмый, беркем дә мәҗбүрили алмый, - диде Россия телевизион һәм радиотапшырулар челтәре (РТРС) филиалы директоры Владимир Якимов. - Без ТНВ булу яклы, без аны 20 ел элек булдырдык, без аңа ияләштек, яратабыз, аны безнең Республика халкы да ярата".

Якимов Татарстан буенча ТНВның аналоглы тапшырулары 100 процентка җитеп килә, челтәр 2004 елда төзелгән иде, дип җиткерә.

Искәртеп үтик, "Новый Век" ("Яңа гасыр") телерадиокомпаниясе, ул шул ук ТНВ, Татарстанда беренче һәм бердәнбер спутник операторы булып тора.
Ул - медиахолдинг, аның составына "Татарстан - Новый Век" (Татарстан - Яңа гасыр") телеканалы, "ТНВ - Планета" телеканалы һәм "Болгар Радиосы" керә. Ул 2002 елның 26 августында ачылды.