Төнге Чаллы урамында - фаҗига

Бүген төнлә Чаллыда җитди юл-транспорт һәлакәте булды. Әлмәт трактында «ГАЗель» белән «Лада» юл бүлешә алмады. Беренчел мәгълүматлар буенча авариядә «ГАЗель» йөртүчесе гаепле. Ул Казан проспекты буенча килеп, киселеш урыныннан читтәрәк сулга борылганда каршы яктан хәрәкәт итүче җиңел машинага юл бирми. Транспорт чаралары бәрелешү нәтиҗәсендә, «Лада» руле артында утырган 27 яшьлек егет табиблар килгәнче һәлак була. «ГАЗель» йөртүчесен  төрле дәрәҗәдәге тән җәрәхәтләре белән БСМПга алып китәләр.