Түбән Каманың элеккеге башлыгы кулга алынды

Түбән Кама шәһәре һәм районының элеккеге башлыгы Рамил Муллин бүген төнне Чаллыда СИЗОда үткәрде. 

Chelny-biz.ru электрон басмасы хәбәр итүенчә, ул вазифаи вәкаләтләрен арттыруда һәм мошенниклыкта шикле дип табылган.

Кичә Түбән Кама Башкарма  комитетында һәм Муллинның Мөслим районындагы өендә тентү үткәрелгән. Аннары Рамил Муллинны полиция хезмәткәрләре Чаллыга алып килде.

Якын арада тикшерү органнары Чаллы судына Муллинга карата сак чарасын билгеләүне сорап мөрәҗәгать итәчәкләр.