Тукай районында «Лада Ларгус» юл кырыена төшеп капланган

 Бүген иртән Яр Чаллы белән Зәй арасындагы трассада, Бигеш аэропортыннан чыгу юлында, Лада Ларгус автомобиле юл кырыена төшеп капланды.
 

50 яшьлек йөртүче тизлек режимын сакламаган, идарә итүне югалтып, башта юл кырыендагы киртәләргә бәрелгән, аннары әйләнгән, дип билгели Тукай районы буенча юл хәрәкәте иминлеге дәүләт инспекциясе. Йөртүче күпләгән имгәнүләр ала, ашыгыч ярдәм аны БСМПга алып китә, тикшерү үткәннән соң ул больницадан чыгарыла.