Үле баласын коляскада йөрткән

Коляскада бала мәете була. 
“ЧП России. Инцидент” каналы язуы буенча,  40 яшьлек Дагестан кешесе озак еллар ире һәм башка балалары белән чит илдә яши. Ире кечкенә кызлары анардан түгел дип, бала белән хатынны куып чыгара, шуңа алар Россиягә кайтырга мәҗбүр була. 
20 февральдә полиция хезмәткәрләре Агасиев проспектында коляска төртеп йөрүче хатын-кызның үзен сәер тотышына игътибар итә. Коляскада 2 яшьлек кызчык мәете табыла. Алдан фаразлау буенча, бала ачлыктан үлгән, бала да, әнисе дә берничә көн ач торган. Хатын-кыз кулга алынган, җинаять эше кузгатылган. Тикшерү хатын-кызда психик тайпылышлар булуын раслаган.