Хәрбиләргә мотоцикл җибәрелде

Бүген Чаллыдан махсус хәрби операция зонасына чираттагы гуманитар йөк җибәрелде.
Ул хәрбиләрнең үтенече белән тупланды. Гуманитар йөк составында мотоцикл, прицеп, бензин генераторы, бензопилалар һәм башка кирәк-яраклар бар.

Йөк шәһәр Советы депутатлары Артем Капустин, Евгений Михайлов һәм Ренат Акчурин исемендәге ашыгыч медицина ярдәме күрсәтү хастаханәсе коллективы ярдәме белән җыелды. Сүз уңаеннан, бу – БСМП коллективыннан өченче мотоцикл. 

«Ашыгыч медицина ярдәме күрсәтү хастаханәсе – бюджет учреждениесе. Табиблар, шәфкать туташлары хәрбиләргә булышалар. Алар җыйган акчага мотоцикл алынды», – диде Чаллы мэры Наил Мәһдиев. 

Ул хәрбиләргә ярдәм итүчеләрнең барсына да рәхмәт әйтте.
Фотолар Чаллы мэрының телеграмм каналыннан алынды.