Канлы җинаять Казанда кылынган.
Коточкыч фаҗига Казанның Гаврилов урамындагы бер йортта 8 май төнендә була. 29 яшьлек хатын-кыз, спиртлы эчемлек эчкәч, сөйгәне белән талаша. Аннары пычак алып, ир-атның күкрәгенә кадый. Ир-ат шунда ук үлә.
Җинаять кылуда шикле хатынны кулга алалар. Ул гаебен таный. Бәхәс аның көнләшүе аркасында килеп чыккан. Хатын-кызның психоневрология диспансерында исәптә торуы да билгеле. Ул букмер конторасында кассир булып эшләгән.
Вафат булган ир-ат контракт нигезендә хезмәт иткән. Элек хөкем ителгән булган.
Хокук саклау органнары хезмәткәрләре фаҗига урыныннан пычак, кесә телефоны, пистолет алган.
Нет комментариев