Җырларга өлгерми калды егет

Бер генә концерт куеп та өлгермәде җырчы. Инстаграм битеннән күренгәнчә, ул да бүген сәхнәдән тыш хезмәт куя. Илнат эретеп ябыштыру эше белән шөгыльләнә. «Коронавирус аркасында бер ай инде авылда. Абый белән бергә капкалар куеп йөрибез. Менә шундый дөнья», — дип сөйли җырчы видеосында.

Берәүләр мактый, икенчеләр “яңадан җырлый алмавың бар” дип кисәтә, өченчеләр өйрәтә... Артист берсенә дә җавапсыз калмый. «Астан өскә эретеп ябыштыралар», - дигәнгә: «Мин аркылыга яратам» дип җаваплаган; «Капка кую - музыка язу түгел, Илнат», - диючегә «Музыка язу - капка кую түгел», — дип шаярткан җырчы. "Сары розалар", дип җырлый-җырлый саргаеп беткән ди.

Фото: bitcobonus.ru