Бик тә тәмле һәм туклыклы тәбикмәк пешерү ысулын исегездә калдырыгыз. Аны авыз иткән һәркем «телен йотар».
Тәбикмәк пешерүнең бу ысулын Мәрьям Миңнегулова тәкъдим итә.
Эш барышы түбәндәгечә: 2 чәй калагы чүпрәне ярты стакан чамасы җылымса сөткә салып күпертәбез; 0, 7 литр сөтне җылытабыз, шуңа 1 аш кашыгы шикәр комы, 1 чәй калагы тоз, кабарган чүпрә, 2 стакан манный, 2 стакан он салып, тыгызрак итеп камыр басабыз.
Аннары җылы урынга кабарырга алып куябыз. Камыр кабарып менгәч, ярты литр сөтне кайнарлап камырга салабыз, шуңа яхшы итеп тугланган 2 йомырка кушабыз. Камырны яхшылап болгатабыз да ярты сәгатькә читкә алып куябыз. Билгеләнгән вакыт узуга тәбикмәкләрне пешерә башлыйбыз.
http://kiziltan.ru
Нет комментариев