Терекөмешле градусник ватылса...

Мондый очракка юлыкканнарның төп хатасы – терекөмешне чүпрәк белән сөртеп алу. Чөнки шуның белән алар парлану өслеген тагын да арттыралар. Ә аннары тагын да начаррагы – аны полиэтилен капчыкка җыеп, чүп савытына ташлыйлар. 

Иң дөресе:

1.    Шунда ук кешеләрне бинадан чыгарырга, җилләтү өчен тәрәзә яки форточкаларны ачарга;

2.    Агып чыккан терекөмешне пумала һәм резина грушкасы белән тизрәк җыярга;

Эре шарларны рәсем пумаласы белән, вак-төякләрен резина груша, ә калган тамчыларны лейкопластырь белән җыярга кирәк.

3.    Җыелган бөтен терекөмешне салкын су салынган банккага салыгыз да капкач белән каплагыз. Ә банкадагы су терекөмеш парланып, юкка чыкмас өчен кирәк. Савытны исә салкынча, куркынычсыз урынга куярга кирәк.

4.    Терекөмеш сибелгән урынны юеш газета белән сөртеп алыгыз, аннары 3

5 тапкыр марганцовка эретмәсе белән яки сабын-содалы эретмә белән эшкәртегез.

Терекөмеш – кеше сәламәтлегенә, бигрәк тә буыннарга тискәре йогынты ясый торган югары агулы матдә. Аның кечкенә генә дозасы да агулануга китерергә мөмкин. Нәкъ менә шуңа күрә тиешле таләпне үтәп, тиз һәм оператив эш итү мөһим.

Тагын шунысын да әйтергә кирәк, һәр төбәктә дә, терекөмешне махсус тапшыру урыннары бар. Бу куркынычсызлык таләпләрен үтәү максатыннан оештырылган урыннар.