Айдар Галимовны кызы елаткан

Россиянең атказанган, Татарстанның һәм Башкортостанның халык артисты Айдар Галимовның кызы, җырларга яратучы Айгизә социаль челтәрендә видео урнаштырган. 
Алар барсы бергә Айдар Галимов туып-үскән нигезгә, әбиләре истәлегенә Коръән ашына җыелып, матур мәҗлес  уздырганнар.  Кадрда дустанә, җылы мөнәсәбәт, гаилә фотолары, әбисенең гөлләре, бабасының гармун уйнавы... «Балачагым мәңге йөрәгемдә», – дип язган Айгизә. 
Бу видео нечкә күңелле, тыйнак җырчы Айдар Галимовны елаткан. «Тагын елаттың инде, кызым», – дигән ул аңа.