Фирдүс Тямаев тамашачылары биргән бүләкләрне алып кайту өчен КАМАЗ чакырткан

ТР атказанган артисты Фирдүс Тямаев 10 декабрьдә Мәскәү каласында бер көнне ике концерт куйган. Бу хакта ул үзенең социаль челтәрдәге аккаунтында хәбәр итә. Видеода җырчы чәчәк бәйләмнәре белән тулы бүлмәдә, йомшак уенчыклар тотып, башкала тамашачысына рәхмәт әйтә. 

“Бу бүләкләрне алып кайтырга КАМАЗ заказать иттек. Мин сезне просто люблю», - дип шаярта җырчы.Видеодан аңлашылганча, Фирдүс Тямаевның быел инде бер генә концерт куясы калган. Ул 16 декабрьдә Самара каласында үтәчәк.