Иркәнең ирен җитди операциягә әзерлиләр

Татарстанның атказанган артисты Иркәнең махсус хәрби операциядәге ире Артурның яралануы турында монда язган идек. Җырчы үзенең социаль челтәрләрендә язылучыларына, тамашачыларына, хезмәттәшләренә иренең хәле турында сөйләде. 

Иркә иренннән хәбәр алуга аның янына барган. Артурны Санкт-Петербургтагы госпитальгә кайтарганнар. 

«Без төнлә очып аның янына бардык. Аның янында булдык. Чыннан да Артур җитди яраланган. Иң мөһиме: ул исән-сау. Ашый-эчә, шаяртып та алды. Ул бик көчле рухлы кеше. Җиңел булмаган операциягә әзерләнәчәкбез. Мөмкинлектән чыгып, хәбәргә чыгып торырбыз. Безнең белән булганыгыз өчен бик зур рәхмәт. Тормыш дәвам итә, без алга барабыз. Барысы да яхшы булачак. Аллаһы Тәгәләгә тапшырдык. Барысы да аның кулында», – диде Иркә.

Фото Иркәдән алынды