Лилия Хәйруллина дүртенче баласының исемен ник яшерә?

Җырчы Лилия Хәйруллина серле җырчыларның берсе дияргә була. Шәхси тормышын ул беркайчан да ачып салмый. Дүртенче тапкыр әни булуын да бәби табып берникадәр вакыт узгач кына белдек. Тамашачыларның улының исемен беләсе килә. Әмма җырчы әйтми.  

- Баланың әтисе исемен әйтмәскә кушты. Менә шулай яшибез... Минем тормыш башка артистларныкы кебек түгел шул… Әмма бу минем өчен нормаль күренеш. Ир-ат сүзенә каршы бара алмыйм. Аңларсыз дип ышанам, – дигән җырчы.