Җырчы Динар Шәрәфетдинов тормышында сөенечле вакыйга

Моңлы җырчы Дәниф Шәрәфетдиновның улы Динар иҗади уңышлары белән әти-әнисен генә түгел, тамашачыларын да сөендерә.
Күптән түгел ул Рәшит Ваһапов исемендәге фондның «Яңа татар җыры» яшь башкаручылар бәйгесендә җиңде.  

Шушы көннәрдә яшь җырчы тагын бер сөенече белән уртаклашты. Динарның Россия Мәдәният министрлыгының Федор Шаляпин исемендәге стипендиягә лаек икәнлеге билгеле булды. 

«Әле премияне алмадым. Ничә сум икәнен дә белмим. Аны иҗатымны үстерү өчен тотарга планлаштырам», – диде җырчы «Шәһри Чаллы» газетасы журналистына.