Җырчы Ришат Фазлыйәхмәтовны хатыны шаккаттырган

Җырчы Ришат Фазлыйәхмәтовның хатыны Эльмира - Тәтишка иренә сюрпризлар ясарга ярата.

Ул иренең Казанда узган туган көн концертында җырчыга тагын көтелмәгән бүләк ясаган – гармун бүләк иткән.

«Тәтишка! Хыяллар чынга аша. Хатын шаккатыра белә инде минем. Башта «бүләксез калдым» дип шаккаттым, аннары – бүләкнең үзеннән.

Бу постны да соңлап кына куям, чөнки буш вакыт килеп чыгу белән шыңгыр-мыңгыр гармун тартам, түзсен генә күршеләр. Үз бүләге булгач, Тәтишка да сүз әйтми. 

Ярар, бераз шомаргач, минем йорт яныннан узып барганда «Бу моң кайдан агыла икән?» дип гаҗәпләнмәгез. Ул мин булырмын», – дип язган ул үзенең социаль челтәрдәге сәхифәсендә.