Балалар туа тора, ана капиталын алучылар арта

Чаллыда сабыйлар тууы бермә-бер артты.Бигрәктә яшь гаиләләр икенче һәм өченче балаларын алып кайталар. Моның сәбәпләре дә гади: ана капиталы күләме хәзер 453 мең сум.10 ел дәвамында Чаллыда 34 мең гаилә ана сертификаты алган. 70% артык сертификат төрле максатларда тотылган.

Ана капиталы ярдәмендә 25 700 гаилә фатир алган, торак шартларын яхшырткан. Шунысы игтибарга лаек 25 600 гаилә сертификат белән торак кредитларын түләп бетергән. 916 кеше ана капиталы белән баласының укуына түләргә ниятләгән. Нибары бер кеше ана капиталын картлык буенча пенсиягә өстәмә түләүгә юнәлткән.