Чаллыда "Безнең ишегалды": иң эре ишегалларының берсендә эшләр тәмамланган

 Ул Сидоровка бистәсендә урнашкан. Башкарылган эшләрне шәһәр мэры Наил Мәһдиев журналистлар белән бергә бәяләде.

Шәһәрнең иң иске өлешләренең берсендә Таһир Сөнгатуллин җитәкчелегендәге «РБР-16» компаниясе биш ишегалдын ремонтлау белән шөгыльләнә. Шулай итеп, С1 йорты янындагы ишегалдын ремонтлауга 16 млн 500 мең сум акча бүлеп бирелгән. Шуны билгеләп үтәргә кирәк, Сидоровка бистәсендәге йортлар 47 һәм 48 ел элек төзелгән. "Бу программа өчен президент Рөстәм Нургалиевич Миңнехановка рәхмәт. 700 гаиләгә 16,5 миллион сум акча бүлеп бирелгәнлеген күз алдына китерәсезме?! Алдагы елларда, бер генә дистә елда да кешеләр нормаль, уңайлы шартларда яшәсен өчен эшләнә. Башка төбәктә мондый хәл юк", - дип билгеләде Наил Мәһдиев.

Ишегалларында 43 өстәмә яктырткыч, шулай ук 51 яңа парковка урыны барлыкка килде.

Наил Мәһдиев шәһәр халкы белән аралашты, алар җитәкчелеккә һәм төзүчеләргә башкарылган эшләре өчен рәхмәт белдерделәр.

"Татарстан Республикасы Хөкүмәте тарафыннан билгеләнгән стандартлар буенча, шул исәптән юлларны, тротуарларны, ишегалларын асфальтлауга, яктырту һәм кече архитектура формаларын урнаштыруга финанс ресурслары бүлеп бирелгән. Кемдер кече архитектура формаларының күбрәк булуын тели. Әмма бу идарәче компанияләрнең, әлеге йортта яшәүчеләрнең үзара хезмәттәшлеге мәсьәләсе", - диде шәһәр башлыгы. – "Шуңа күрә без бүген халыкка кирәк булган барлык өстәмәләр турында: "Әйдәгез, сөйләшегез, фикер алышыгыз", - дибез. Кайдадыр предприятиеләр, иганәчеләр акчалары, кайдадыр Шәһәр Советы депутатлары ярдәме керергә мөмкин. Кайдадыр идарәче компания үз җилкәсен куячак һәм менә ел саен балалар мәйданчыгын, ял итү урынын әнә шундый бай эчтәлекле итеп, без ишегалларының өстәмә элементлары белән тулыландырачакбыз. Шуңа күрә төп стандарт: юллар, тротуарлар, кечкенә архитектура формалары, эскәмияләр, урналар, яктырткычлар – болар барысы да бүгенге көндә гамәлдә булган бюджет кысаларында, без аны тулы күләмдә башкарачакбыз".

Чаллы мэры калган ишегалларында эшләрне сентябрь аенда төгәлләргә планлаштыруларын билгеләп үтте: "Без бүген – июль, август айларында-эшләрне тәмамлау өчен ишегалларга чыгачакбыз. Бу әлбәттә озайтыла алмый. Бездә берничә подрядчы оешма бар, алар сентябрьдә бөтен ишегалларын тулысынча файдалануга тапшырырга тиеш. Ишегалларының күп өлеше август һәм сентябрь айларында тапшырылачак. Бу эш күп кенә процесслардан тору күзлегеннән караганда шактый катлаулы, аларны үткәрергә кирәк. Кул хезмәте бик күп таләп ителә", - диде ул.

«Безнең ишегалды» программасы Татарстан Республикасы президенты Рөстәм Миңнеханов тарафыннан инициативалы һәм биш елга исәпләнгән.

Управление информационной политики и по связям с общественностью.