Чаллыда җәмәгать транспортын тикшерделәр

Бүген иртән шәһәр башкарма комитетының беренче урынбасары Илья Зуев һәм "Пассажирлар йөртү" оешмасы җитәкчесе Николай Тятюшкин транспортның йөрешен тикшерделәр.

– Кайбер шәһәрдәшләр иртән автобусны озак көтәбез дип зарланалар. Без моны үз күзебез белән күрергә булдык. Иртәнге 7дә «Палитра» сәүдә үзәге янындагы тукталышка килеп бастык. 22нче һәм 26нчы номерлы берәр зур автобус китүен күрдек. Тугыз минут үтте, алга таба ничек булыр, карарбыз», - диде Илья Зуев. 

Мэриядә бу маршрутларга автобусларны өстәргә кирәк түгел дигән нәтиҗәгә килделәр. Пассажирлар саны арткан очракта әлеге мәсьәлә яңадан хәл ителәчәк.  
 

Фото: http://nabchelny.ru/