Дәүләттән – яңа төр  ярдәм

Россиялеләргә туганнарын күмү өчен 5,5 мең сум биреләчәк. Төзелеш министрлыгы “Күмү хезмәте турында” яңа проект әзерләгән. Аның буенча үз хисабына күмү эшләрен башкаручыларга 5562 сум пособие каралган. Дәүләт тарафыннан гарантияләнгән бушлай хезмәтләр исемлегенә документлар әзерләү, табут бирү, мәетне моргтан зиратка кадәр озату өчен транспорт белән тәэмин итү, кабер казу һәм күмү эшләре керә. Әлеге хезмәттән тыш үз исәбенә өстәмә хезмәтләр алу мөмкинлеге бирелә. Әгәр үлүченең туганы күмүне үз хисабына оештырырга яки стандарт табутны кыйммәтлерәккә алыштырырга теләсә, аңа закон буенча каралган 5,5 мең сумны түләячәкләр.