Кабат авиаһәлакәт

Бүген, 19 мартта, төнге 03:50 минутта Ростов-Дон аэропортына утырганда Дубайдан кайтучы Boeing-737-800 самолеты һәлакәткә юлыга. РФ Гадәттән тыш хәлләр министрлыгы хәбәр итүенчә пассажир самолеты бортында 61 кеше (55 пассажир һәм 6 экипаж әгъзасы ) була, аларның барысының да гомере өзелә. Әлегә һәлакәткә китерүче төп сәбәпләрнең берсе дип катлаулы һава торышы шартларын атыйлар. Авиаһәлакәт нәтиҗәләрен бетерүгә 500дән артык кеше һәм 60 берәмлектән артык техника җәлеп ителгән, ул исәптән Россия Гадәттән тыш хәлләр министрлыгыннан 400дән артык кеше һәм 34 берәмлек техника.