КАМАЗ-6282 электробусы җиңүче

Bas World Russia-2016 күргәзмәсендә Яр Чаллыдан дүрт экспонат күрсәтелде.Шулардан КАМАЗ-6282 икенче буын электробусы аеруча игътибарга лаек булды. Күргәзмәгә килүчеләргә аның тышкы кыяфәте һәм эчендәге уңайлыклар ошады. Күргәзмә нәтиҗәләре буенча электробус "Иң яхшы үз илебездә җитештерелгән автобус" номинациясендә җиңү яулады һәм кубок белән бүләкләнде.

Электробус 85 пассажирны сыйдыра, шуңың 24е утыру өчен көйләнелгән. Автобуска куелган аккумулятор батареялары 10 ел буе хезмәт итәргә сәләтле. Хәзер КАМАЗ-6282 электробусы Мәскәүдә сынау үтә, ул "Славян бульвар - "Сколково" инновацион каласы"маршрутында пассажирларны йөртә.