«Шәһри Чаллы» укучылары Сабан туе гүзәлен сайлады

Конкурста татар телен камил белгән 16 яшьтән алып 26 яшькә кадәр булган ун асыл кыз көч сынашачак. «Шәһри Чаллы» газетасы бәйгенең мәгълүмати партнеры булып тора һәм әлеге уңайдан редакциябез махсус номинация – «Шәһри Чаллы гүзәле» дигәнен игълан иткән иде.

26 майдан башлап, 16 июньгә кадәр «Шәһри Чаллы» сайтында актив рәвештә тавыш бирү барды. Иң күп тавышны Алия Авзалова җыйды. Сайтта Алия өчен 1904 кеше тавыш бирде. Алия Авзалова «Сабан туе гүзәле» бәйгесенең иң яшь катнашучысы, ул 54нче гимназиянең 10нчы сыйныфында белем ала. Редакциябез коллективы исеменнән Алияне чын күңелдән котлыйбыз һәм бүген, «Энергетик» мәдәният сараенда бүләклиячәкбез.

Сабан туе гүзәлләренә һәм алар өчен җан атып, тавыш биргән шәһәрдәшләребезгә олы рәхмәтләребезне җиткерәбез. Безнең белән калыгыз!