4 мең каз юкка чыгарылды.

Мөслим һәм Чүпрәле районнарында кош гриппы табылган. Бу хакта ТР Министрлар Кабинетының Баш ветеринария идарәсе матбугат хезмәте хәбәр итә.

Кош гриппы диагнозы Мөслим районы Лиза Шакирҗанова КФХсында һәм Чүпрәленең Фәнис Төхвәтуллин КФХсында расланган.

Тикшерү барышында Мөслим районында казларның кыргый кошлар йөзә торган сулыкка да төшкәнлеге билгеле булган. Белгечләр кош гриппы кыргый кошлар белән контакт нәтиҗәсендә килеп чыккан дип саный.

Бу ялларда Мөслим районында 4 мең каз яндырганнар. Кайсы хуҗалыкта икәне билгеле түгел.