Баланың иммунитетын ныгыту өчен нишләргә?

Әлбәттә, беренче урында суган белән сарымсак тора. Тик аларның чыдап булмаслык исе һәм тәме балаларны читләштерә. Бу очракта вак кына туралган суганны яисә сарымсакны ризыкка салырга була.
Әчегән сөт продуктларында иммунитет өчен файдалы лакто- һәм бифидобактерияләр саклана. Алар ярдәмендә эчәк тракты микроблар белән җиңелрәк көрәшә икән. Моннан тыш, чикләвек ашау организмга көч өсти һәм төрле чирләргә каршы тору сәләтен арттыра.