Билгеләнү

Шәһәр башкарма комитеты җитәкчесенең яңа ярдәмчесе билгеләнде. Ул 31 яшьлек Чаллы егете Альфред Ситдыйков. Әмма әлегә ул башкарма комитетның беренче урынбасары Ринат Абдуллинның ярдәмчесе вазифаларын башкара. Альфред Ситдыйков Кама политехника институтын, Дәүләт идарә, хокук һәм инновацион институтын тәмамлый. 2005 елдан ул "Ак Барс" банкы системасында эшли: башта машина йөртүче-инкассатор, өлкән инкассатор, физик затларны кредитлаштыру бүлегендә икътисадчы вазифаларын үти. Башкарма комитетка килгәнче, "Ак Барс" банкының Чаллы филиалында өстәмә офис җитәкчесе була.